ਸਭ ਤੋਂ ਵੱਧ ਅਮੀਰ ਹੋਣ ਦੀ ਸੂਚੀ ‘ਚ ਫਿਰ ਤੋਂ ਐਲੋਨ ਮਸਕ ਦਾ ਨਾਂ ਸ਼ਾਮਿਲ ਹੋ ਗਿਆ ਹੈ। ਟੇਸਲਾ ਦੇ ਸੀਈਓ ਐਲੋਨ ਮਸਕ ਇੱਕ ਵਾਰ ਫਿਰ ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਬਣ ਗਏ ਹਨ। ਪਿਛਲੇ 24 ਘੰਟਿਆਂ ‘ਚ ਮਸਕ ਦੀ ਜਾਇਦਾਦ ‘ਚ ਉਛਾਲ ਆਉਣ ਨਾਲ ਕੁੱਲ ਸੰਪਤੀ 187 ਅਰਬ ਡਾਲਰ ਹੋ ਗਈ ਹੈ। ਹੁਣ ਤੱਕ ਨੰਬਰ ਇਕ ਕੁਰਸੀ ‘ਤੇ ਬੈਠੇ ਫਰਾਂਸੀਸੀ ਅਰਬਪਤੀ ਬਰਨਾਰਡ ਅਰਨੌਲਟ ਹੁਣ 185 ਅਰਬ ਡਾਲਰ ਦੀ ਜਾਇਦਾਦ ਨਾਲ ਦੂਜੇ ਨੰਬਰ ‘ਤੇ ਖਿਸਕ ਗਏ ਹਨ।
ਇੱਕ ਦਿਨ ਵਿੱਚ ਇੰਨੀ ਵਧ ਗਈ ਨੈੱਟ ਵਰਥ
ਬਲੂਮਬਰਗ ਬਿਲੀਨੇਅਰਜ਼ ਇੰਡੈਕਸ ਅਨੁਸਾਰ ਏਲੋਨ ਮਸਕ ਦੀ ਜਾਇਦਾਦ 24 ਘੰਟਿਆਂ ਦੇ ਅੰਦਰ 6.98 ਬਿਲੀਅਨ ਡਾਲਰ ਵਧ ਗਈ ਹੈ। ਇਸ ਦੇ ਨਾਲ ਉਸ ਨੇ ਇਕ ਵਾਰ ਫਿਰ ਤੋਂ ਪਹਿਲੇ ਨੰਬਰ ‘ਤੇ ਕਬਜ਼ਾ ਕਰ ਲਿਆ ਹੈ। ਪਿਛਲੇ ਕੁਝ ਦਿਨਾਂ ਤੋਂ ਮਸਕ ਦੀ ਜਾਇਦਾਦ ‘ਚ ਆਈ ਉਛਾਲ ਨੂੰ ਦੇਖਦਿਆਂ ਅਜਿਹੀਆਂ ਸੰਭਾਵਨਾਵਾਂ ਪ੍ਰਗਟਾਈਆਂ ਜਾ ਰਹੀਆਂ ਸਨ ਕਿ ਉਹ ਜਲਦੀ ਹੀ ਨੰਬਰ ਵਨ ਅਮੀਰ ਬਣ ਸਕਦਾ ਹੈ।
ਦਸੰਬਰ ‘ਚ ਦੂਜੇ ਨੰਬਰ ‘ਤੇ ਪਹੁੰਚੇ ਸਨ
2021 ਤੋਂ ਚੋਟੀ ਦੇ 10 ਅਰਬਪਤੀਆਂ ਵਿੱਚ ਨੰਬਰ-1 ਦੀ ਸਥਿਤੀ ‘ਤੇ ਕਾਬਜ਼ ਰਹੇ ਏਲੋਨ ਮਸਕ ਨੂੰ ਪਿੱਛੇ ਛੱਡਦੇ ਹੋਏ ਬੀਤੇ ਸਾਲ ਦਸੰਬਰ 2022 ਵਿਚ ਬਰਨਾਰਡ ਅਰਨੌਲਟ ਦਸੰਬਰ 2022 ਵਿੱਚ ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਬਣ ਗਏ। ਦਰਅਸਲ ਪਿਛਲਾ ਸਾਲ ਮਸਕ ਲਈ ਬਹੁਤ ਮਾੜਾ ਸਾਬਤ ਹੋਇਆ। 44 ਬਿਲੀਅਨ ਡਾਲਰ ਦੇ ਟਵਿੱਟਰ ਸੌਦੇ ਦੀ ਸ਼ੁਰੂਆਤ ਤੋਂ ਹੀ ਉਸਦੀ ਕੁੱਲ ਜਾਇਦਾਦ ਵਿੱਚ ਭਾਰੀ ਗਿਰਾਵਟ ਸ਼ੁਰੂ ਹੋਈ ਅਤੇ ਸਾਲ ਦੇ ਅੰਤ ਤੱਕ ਜਾਰੀ ਰਹੀ।
ਇਹ ਵੀ ਪੜ੍ਹੋ : ਵਿਜੀਲੈਂਸ ਵਲੋਂ ਸਾਬਕਾ ਕਾਂਗਰਸ MLA ਕਿੱਕੀ ਢਿੱਲੋਂ ਦੇ ਫਾਰਮ ਹਾਊਸ ‘ਤੇ ਰੇਡ
ਮਸਕ ਨੇ ਇਸ ਸਾਲ ਕੀਤੀ ਇੰਨੀ ਕਮਾਈ
ਪਿਛਲੇ ਸਾਲ ਜਿੱਥੇ ਏਲੋਨ ਮਸਕ ਸਭ ਤੋਂ ਜ਼ਿਆਦਾ ਦੌਲਤ ਗੁਆਉਣ ਦੇ ਮਾਮਲੇ ‘ਚ ਸਿਖਰ ‘ਤੇ ਸਨ, ਉੱਥੇ ਹੀ ਇਸ ਸਾਲ ਦੀ ਸ਼ੁਰੂਆਤ ਤੋਂ ਹੀ ਉਨ੍ਹਾਂ ਦੀ ਕੰਪਨੀ ਦੇ ਸ਼ੇਅਰਾਂ ‘ਚ ਵਾਧੇ ਕਾਰਨ ਨੈੱਟਵਰਥ ‘ਚ ਵਾਧਾ ਹੋਇਆ ਹੈ, ਜੋ ਅਜੇ ਵੀ ਜਾਰੀ ਹੈ। ਇਸ ਸਾਲ ਹੁਣ ਤੱਕ ਏਲੋਨ ਮਸਕ ਦੀ ਜਾਇਦਾਦ ਵਿੱਚ 50.1 ਬਿਲੀਅਨ ਡਾਲਰ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਹਾਲਾਂਕਿ, ਪਹਿਲੇ ਨੰਬਰ ਤੋਂ ਦੂਜੇ ਨੰਬਰ ‘ਤੇ ਖਿਸਕਣ ਵਾਲੇ ਬਰਨਾਰਡ ਅਰਨੌਲਟ ਦੀ ਇਸ ਸਾਲ ਹੁਣ ਤੱਕ ਸੰਪਤੀ ‘ਚ 23.3 ਬਿਲੀਅਨ ਡਾਲਰ ਦਾ ਵਾਧਾ ਹੋਇਆ ਹੈ।
ਟੇਸਲਾ ਦੇ ਸ਼ੇਅਰਾਂ ਵਿੱਚ 5% ਤੋਂ ਵੱਧ ਦੀ ਛਾਲ
ਏਲੋਨ ਮਸਕ ਦੀ ਕੰਪਨੀ ਟੇਸਲਾ ਦੇ ਸ਼ੇਅਰਾਂ ਵਿੱਚ ਪਿਛਲੇ ਇੱਕ ਹਫ਼ਤੇ ਤੋਂ ਲਗਾਤਾਰ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਟੇਸਲਾ ਦੇ ਸਟਾਕ ਦੀ ਕੀਮਤ ਆਖਰੀ ਵਪਾਰਕ ਦਿਨ ਪ੍ਰਤੀ ਸ਼ੇਅਰ 207.63 ਡਾਲਰ ਦੇ ਪੱਧਰ ‘ਤੇ ਪਹੁੰਚ ਗਈ। ਮਸਕ ਦੀ ਕੰਪਨੀ ਦੇ ਸ਼ੇਅਰ 5.46 ਪ੍ਰਤੀਸ਼ਤ ਜਾਂ 10.75 ਡਾਲਰ ਪ੍ਰਤੀ ਸ਼ੇਅਰ ਦਾ ਵਾਧਾ ਦਰਜ ਕੀਤਾ ਗਿਆ।
